Kynning á PCI DSS staðlinum fyrir söluaðila

Kynning á PCI DSS staðlinum fyrir söluaðila

Fjölgreiðslumiðlun hf. í samstarfi við greiðslukortafyrirtækin Borgun hf. og VALITOR hf. bjóða til morgunverðarfundar um öryggismál fimmtudaginn 28. janúar.



Á fundinum verða kynntar helstu aðgerðir sem söluaðilar geta notað til að auka öryggi við verndun á viðkvæmum greiðslukortaupplýsingum. Fundurinn er ætlaður þeim sem bera ábyrgð á rekstri fyrirtækja, bæði gagnaöryggi sem og fjármálum. Kynningin verður ekki mjög tæknilegs eðlis heldur ætlað að ná til breiðs hóps.



Á fundinum munu sérfræðingar Fjölgreiðslumiðlunar, Sensa, Skýrr og Capacent fjalla um hættu sem stafar af tölvuinnbrotum og stuldi greiðslukortaupplýsinga, nauðsynlegar varnir ásamt kynningu á PCI DSS staðlinum. Einnig verður kynnt áætlun um nýtingu á örgjörvatækni (KORT&PIN) í kortaviðskiptum á Íslandi.